Mutesi Jolly yavuze umukinnyi yihebeye muri Arsenal
Mutesi Jolly wegukanye ikamba rya Nyampinga w’u mu mwaka wa 2016, yahishuye ko mu ikipe ya Arsenal yihebeyemo umukinnyi witwa ‘Bukayo Ayoyinka Temidayo Saka’.
Ibi yabitangaje mu mashusho yashyizwe hanze n’urubuga rwa Visit Rwanda kuri uyu wa Kabiri tariki 21 Mutarama 2025, yafashwe tariki 13 Mutarama 2025 ubwo Mutesi Jolly yari yagiye mu Bwongereza kureba umukino wahuje Manchester United na Arsenal.
Uyu mukino wabereye kuri Emerates Stadium mu Bwongereza, ukaba wararangiye Manchester United itsinze Arsenal penaliti 5 kuri 3, nyuma y’uko bari bamaze kugwa miswi ku gitego 1-1.
Uyu mukinnyi Mutesi Jolly yihebeye, ni umusore w’imyaka 23 y’amavuko kuko yavutse tariki 5 Nzeri 2001.
Saka yinjiye mu ikipe ya Arsenal muri 2018, nyuma y’uko yari avuye mu irerero ryayo, kuri ubu akaba akina mu mpande asatira izamu muri iyi kipe ya Arsenal.
Muri iki kiganiro kandi, Mutesi Jolly yavuze u Rwanda ari igihugu kiza ndetse ahishura ko akunda kujya gusura Intara y’Amajyaruguru kureba ingagi.
